நேர முகாமைத்துவம்: ஓர் இஸ்லாமியக் கண்ணோட்டம் Time Management: An Islamic Perspective
DOI:
https://doi.org/10.22452/JTP.vol10no2.6Keywords:
நேர முகாமைத்துவம், இஸ்லாம், இஸ்லாமிய நேர முகாமைத்துவம், பார்வை, வாழ்க்கை.Abstract
ஆய்வுச் சுருக்கம்
மனிதன் தனது பல கடமைகளை வெற்றிகரமாகச் செய்ய முடியும் என்பதை உறுதி செய்ய நேர முகாமைத்துவம் குறித்து நவீன உலகில் நிறைய விவாதங்கள் உள்ளன. மனித வாழ்க்கையின் அனைத்து பிரிவுகளுக்கும் உற்பத்தி வழிகாட்டுதலை வழங்கும் நேர முகாமைத்துவம் குறித்த வழிகாட்டுதலை இஸ்லாம் வழங்கியுள்ளது. எனவே, நேர முகாமைத்துவம் குறித்த இஸ்லாமிய வழிகாட்டுதல்களை அடையாளம் காணவும், மனித செயல்பாடுகளில் அவை எவ்வாறு தாக்கத்தை ஏற்படுத்துகின்றன என்பதை விவரிக்கவும், இஸ்லாமிய வழிகாட்டுதல்களில் பிரதிபலிக்கும் பாரம்பரிய நேர முகாமைத்துவம் கூறுகளின் வடிவங்களை தெளிவுபடுத்தவும் இந்த ஆய்வு நடத்தப்பட்டது. முந்தைய ஆய்வுகளின் அடிப்படையில் குறிப்பாக இஸ்லாமிய ஆய்வுகளாக அமைந்த கட்டுரைகள், நூல்கள், இணையத் தகவல்கள் போன்றவற்றில் நேரமுகாமைத்துவம் குறித்து அல்-குரான் மற்றும் அல்-ஹதீஸ் போன்றவற்றில் பெறப்பட்ட செய்திகள் ஆய்வுக்கு உட்படுத்தப்பட்டுள்ள. சரியான நேர முகாமைத்துவத்தை மேற்கொள்வதற்கும், மகிழ்ச்சியான வாழ்க்கையை வாழவும், சமய, சமூக, பொருளாதார, குடும்பம் மற்றும் பிற பகுதிகளில் போதுமான நேரத்தை செலவிடுவதற்கும் இஸ்லாம் ஆக்கபூர்வமான வழிகாட்டுதல்களை மக்களுக்கு வழங்கியுள்ளது என்பது இந்தப் பகுப்பாய்வின் முக்கிய கண்டுபிடிப்பு ஆகும். பரபரப்பான சூழலை உடைய நவீன உலக வாழ்வில், அனைத்து அத்தியாவசியமானவற்றிலும் வெற்றிகரமாகக் கவனம் செலுத்துவதன் முக்கியத்துவத்தை, இஸ்லாமிய வழிகாட்டுதல் வழி தெளிவுபடுத்த இந்த ஆய்வு உதவும்.
